ГРАДОНАЧАЛНИКОТ ГЕОРГИЕСКИ ОСТВАРИ СРЕДБА СО ЧЛЕНОВИТЕ НА ПРВАТА ОХРИДСКА ЕКСПЕДИЦИЈА НА ВРВОТ„МОН БЛАН“

Градоначалникот Константин Георгиески денеска оствари средба со дел од членовите на првата охридска експедиција планинари, кои пред точно 40 години го искачиле највисокиот европски врв „Мон Блан“.

Покрај упатените честитки по повод јубилејот, градоначалникот Георгиески истакна дека како голем вљубеник во планината, му претставува голема чест што има можност лично да поразговара за деталите и условите под кои овие ентузијасти го оствариле својот планинарски сон. Градоначалникот потенцираше дека Општина Охрид во континуитет ги поддржува и ќе продолжи да ги стимулира спортските настани и манифестации кои се во насока на промовирање и развој на планинскиот туризам, за кој Охридскиот регион има огромни потенцијали.

Во чест на значајниот планинсрски подвиг на охридските планинари Љупчо Поп Стефанија, Климе Волкан, Миле Битрак, Људмил Цветаноски, Андон Бојаџи, Владимир Тунтев, Владо Бојаџи, Кире Филев, Миле Бавчанџи, деновиве премиерно беше прикажан и документарниот филм „Од Белото Езеро до Белата планина“. Идејата за документарниот филм е на Кирил Димоски-Гафиљ, а продукциски ја реализраше тимот на „Супер радио“.