ЗАВРШНА ФАЗА OД РЕКОНСТРУКЦИЈАТА НА УЛИЦАТА „ПРВА МАКЕДОНСКА УДАРНА БРИГАДА“

Деновиве се изведуваат завршните градежни активности за реконструкција на улицата „Прва Македонска ударна бригада“ од крстосницата со улица „Питу Гули“ до „Стобекс“ во должина од 750 метри.

Во текот на денешниот ден се изврши поставување на првиот асфалтен слој на коловозот. Претходно беше извршено поплочување на пашачките патеки со бехатон плочки, а беа поставени и нови рабници.

Проектот за реконструкција на оваа улица е дел од годишната Програма за уредување на градежно земјиште и за оваа намена од буџетот на општина Охрид се издвоени 12.952.424 денари.