ОДБЕЛЕЖАН ДЕНОТ НА РИБАРИТЕ

Традиционално како и секоја година и оваа на малиот плоштад кај Долна порта, се одбележа Денот на рибарите. Со рибна чорба, пача, плашици, вино, греана ракија и традиционалното капење во водите на Охридското езеро, охриѓани го прославија денот на Свети Јован.

 

 

На манифестацијата присуствуваше и в.д. градоначалникот Константин Георгиески, кој заедно со тајфата на Иван Лотески, фаќачот на Чесниот крст, се искапија во водите на Охридското езеро.

Рибната чорба беше приготвена од вештите раце на учениците од средното угостителско училиште „Ванчо Питошески“. Послужени беа околу две илјади порции чорба на присутните и на социјално загорезените семејства.

За забавниот дел од манифестацијата се погрижија ансамблот „Билјана јуниор“.

Leave a Reply

Your email address will not be published. Required fields are marked *