Фото : Изградбата на автопатот од Охрид кон Кичево е во полн ек

За најдоцна четири години патувањето кон Кичево ќе биде вистинско уживање. Изградбата на автопатот од Охрид кон Кичево е во полн ек . Насекаде може да се забележат градежни работници и огромна механизација. Се слуша македонски, англиски и кинески јазик, a автопатот го гради кинеската „Сајнохидро корпорејшн лимитед“.
Патувањето за Охрид ќе се скрати за најмалку половина час. Тоа многу ќе значи за развојот на туризмот во охридско-струшкиот регион и за промоција на Македонија како атрактивна туристичка дестинација.